Bod mo Manejmen blong Vanuatu Nasonal Providen Fan (VNPF) hemi wantem infomem ol Memba blong hem se folem Daereksen 1(a) blong Oda Namba 16 blong 2015, we Honorabol Minista blong Klaemet Jens, Adaptesen, Meteoroloji mo Geo-Hasad, Honorabol JAMES BULE hemi mekem long namba 20 dei blong Maj 2015, blong ol Mema oli save witdroem 20 pesen blong ol kontribiusen blong olgeta aot long Ritaemen Akaon, Fan hemi establisim olgeta parsal witdroal prosidja ia:

1. Memba Sevis bambae hemi open long Hed Ofis mo tu long ol narafala lokesen we bambae oli konfem stat long Wenesde 25 Maj 2015. VNPF bambae hemi gat ol stol mo ol staf we bambae oli stap long ol lokesen ia:

Blong sherem ol State of Emergency Relief Form,
Helpem ol Memba blong komplitim ol fom mo ansarem ol kweri
Ol stol ia mo Ofis bambae oli open stat long 9 klok long moning kasem 3 klok long aftanun.

Evri fom i mas komplit bifo ol Memba oli save logem long VNPF Hed Ofis we bambae oli verifaem bifo oli prosesem.

Bambae evri peimen bambae oli mekem aot long Hed Ofis long Port Vila nomo mo in no long ol fil lokesen:

Ol Fil lokesen oli
a) Saralana Stej (Namba Tu),
b) Stil blo konfem (Freswota Four),
c) Anglican Jioj stej (Tagabe)
d) Sarabulu Jioj (Anabrou),
e) Kazaar Fil (Korman Krikit Fil),
f) Senta Poin Car Park

2. Evri Memba hemi mas gat ol identifikesen mo ol pepa ia taem we hemi stap komplitim State of Emergency Relief Form:
(a) VNPF I.D. Kad. Sipos Memba hemi nogat ID kad, hemi save usum ol narafala foto identifikesen olsem kopi blong Paspot o Driver’s License.
(b) Mas Komplitim VNPF M2 Form (Member Update Form)
(c) Mas Komplitim VNPF M6 Form (Employment History)
(d) Mas Komplitim VNPF Declaration Form

Plis tekem note se bambae evri fom ia bambae oli sherem long ol VNPF fil lokesen stol.

3. VNPF bambae hemi verifaem ol Memba aplikesen mo ol identifikesen blong olgeta bifo oli prosesem parsal witdroal peimen.

4. Taem we verifikesen proses hemi komplit, VNPF bambae hemi mekem peimen folem wei we Memba hemi identifaem long State of Emergency Relief Form blong hem.

However, VNPF hemi prifea blong mekem ol peimen tru long ol Bank akaon blong ol Memba; sipos ol Memba oli save givim instraksen olsem.

5. Fan hemi wantem blong asurum ol Memba se bambae hemi mekem everi posibol wei blong mekem sua se igat efisen prosesing blong ol aplikesen mo bambae hem wok had blong mekem sua se ol peimen oli kamaot within 10 woking dei stat long deit blong lodgmen blong State of Emergency Relief Forms.

6. Bambae VNPF hemi sendem aot ol tim igo long EVRI provins stat long Wenesde 25 Maj 2015 blong akomodetem distribiusen mo koleksen blong ol State of Emergency Relief Forms. Moa detels blong ol lokesen blong olgeta bambae oli kamaot i no long taem.

7. VNPF bambae hemi mas kasem evri State of Emergency Relief Forms bifo 29 Mei 2015. Eni aplikesen we oli kam afta long deit ia bambae VNPF hemi no lukluk long ol.

8. Hemi impoten tumas se VNPF bambae hemi akseptem nomo ol State of Emergency Relief Forms daerekt long ol Memba blong mitim ol identifikesen rikwaemen. VNPF bambae hemi no askseptem ol State of Emergency Relief Forms we oli kam tru long wan narafala man.

VNPF hemi andastanem se EVRI gud gudfala Memba blong hem oli nidim urgent asistens ia, be Fan hemi apresietem tumas koperesen mo andastaning blong ol Memba blong hem blong mekem sua se evri parsal witdroal ia oli prosesem gud.

Mifala tru,

VNPF Bod mo Manejmen